Sinom

 

A.Tembang Sinom 

    Pupuh Sinom ing serat wedhatama ngemot tembang cacahe 18 pada(bait).Sapada tembang sinom kiwa iki kawiwitan saka tembung 'nuladha'n tekan tembung 'sasama'

 Sinom

  Nuladha laku utama

Tumraping wong tanah Jawi

Wong agung ing Ngeksiganda

Panembahan Senopati

Kepati amarsudi

Sudaning hawa lan nepsu

Pinesu tanpa brata

Tanapi ing siyang ratri

Amamangun karyenak tyasing

sesama

B.Guru gatra,guru wilangan,guru lagu tembang sinom

• Guru gatra yaiku wewaton cacahing larik saben sapada.Guru gatrane saben papada tembang sinom ana 9.
• Guru lagu  yaiku wewaton dhong-dhing e swara  utawa sukon-wulone swara saben pungkasane gatra.Guru lagune tembang sinom yaiku a,i,a,i,i,u,a,i,a
• Guru wilangan yaiku wewaton cacahe wanda(suku kata) saben sagatra (larik).Dadi guru wilangane tembang sinom 8,8,8,8,7,8,7,8,12

C.Mbedhah perangane serat wedhatama pupuh Sinom

    Tembang sinom iku kudu dibangun saka larikan-larikan kang diarani guru gatra cacahe sangang gatra.Gatra sepisan,gatra kapindho,lan sapiturute kabeh ana aturane.Yen ora cocog karo salah siji wae saka aturan iku,tegese dudu tembang Sinom.Jlentrehe kaya ngisor iki.

   Nu/la/dha/la/ku/u/ta/ma                               
   8a

   Tu/mrap/ing/wong/ta/nah/ja/wi                   
   8i

   Wong/a/gung/ing/Ngek/si/gan/da               
   8a

   Pa/nem/ba/han/se/no/pa/ti                           
   8i                

   Ke/pa/ti/a/mar/su/di                                     
   7i

   Su/da/ning/ha/wa/lan/nep/su                       
   8u                    

   Pi/ne/si/ta/pa/bra/ta                                     
   7a

   Ta/na/pi/ing/si/yang/ra/tri                             
   8i

   A/ma/ma/ngun/kar/ye/nak/tyas/ing/se/sa/ma
  12a

Sumber:Suyitno-L.Yuyun Dian Susanti-Irawan H.G. Gegaran Nyinau Basa Jawa 1 kelas X SMA/SMK/MA